Selakambang, salah sawijining desa ning wilayah kecamatan Kaligondang, Kabupaten Purbalingga, Provinsi Jawa tengah, dadi juara siji desa wisata ning Kabupaten Purbalingga.
Tembung Selakambang asale sekang tembung Sela sing tegese watu & kambang sing tegese kemambang. Menurut dongen para kasepuhan, asal muasal diarani Desa Selakambang merga gemiyen ana watu gede banget sing kemambang (ngapung) ning Kali Lebak.
Menurut ceritane para sesepuh Selakambang jaman gemiyen watu iku jarene kemambang/ngapung ning banyu Kali Lebak. Watu sing duwure sekitar 15 meter lan diameter sekitar kurang lewihe sekitar 200 meter dijenengi Watu Kambang saiki diputeri kali lebak, lan sebelaeh ana makam wong suci.
Desa Selakambang termasuk desa paling luas ning Kecamatan kaligondang. Desa Selakambang dibagi dadi 4 kadus yaiku Dusun Beji, Dusun Banteng, Dusun Jambu lan Dusun Gembrungan. Salah sijine tokoh Selakambang sing sekti mandraguna sing mbabarna anane Desa Selakambang sing paring asmo Eyang Purwa Suci sin jumeneng sekitar tahun 1800 masehi.
Miturut ceritane para sesepuh Selakambang gemiyen Eyang purwa suci perang tanding karo pendekar saka desa sebelah yaiku Desa Pagerandong sing arane Ki Ageng menggala. Singkat cerita Eyang Purwa Suci olehe perang karo Ki Ageng Menggala ana ning sekitar kali perek perbatasan desa. Ki Ageng Menggala kalah anggone perang tanding karo Eyang Purwa Suci merga ketaman keris pusakane Eyang Purwa Suci. Panggonan perang tanding nganti matine kiageng menggala saiki diarani Kali Menggala, sing saiki mlebu wiliyah Desa Selakambang.
Mekaten babad Desa Selakambang, wallahu a’lam bish-shawabi
Disadur sekang ceritane Kang Sunar-Papeling
