JAKARTA–Dina Minggu sore nang alun2 Purwokerto rame. Akeh bocah cilik pada dolanan. Ana sing dolanan balon, bal2an, playon, lan liya2ne. Rama biyunge pada jagongan karo dopokan nang ngisor wringin. Ana Kang Bayu, Kang Latief, Yu Andri, Aning, rame banget pada guyon ngalor ngidul.
Ujug-ujug Kang Bayu nyeletuk, ”Geh, rika pada wis krungu apa urung, nang Purwokerto tanggal 4, 5 lan 6 Agustus 2023 arep ana acara rame-rame nang lapangan SMA2”.
“Urung ngerti Kang, arep ana apa sih?”,
Aning sing paling nom takon. “Iya, anu arep ana apa sih?”,
Yu Andri ya melu baen takon.
“Kiye ngeneh tek jelasna, gole njagong madan cedek ngeneh”,
Kang Bayu keton serius banget, marakna liyane pada nyedek karo duwe rasa pengin ngerti nang atine. “Dadi kaya kiye…”,
Kang Bayu mulai crita. “Nang Jakarta kuwe ana jenenge Paguyuban Asmari Kertajaya, sing anggotane alumni SMA negeri se Purwokerto, awit SMA 1, 2, 3, 4 lan 5. Ketuane siki Pak Chris Kuntadi. Rencanane tanggal 4, 5 lan 6 Agustus 2023 arep nganakna acara geden nang Purwokerto, jenenge Grebeg Asmari. Acarane macem2 banget, antara liya : Anjangsana maring SMA, mlaku2 bareng Asmari, Sowan Pak Bupati, Acara Grebeg Asmari, Sunday Funday, Bazar lan pameran kendaraan listrik sing diramekna nganggo drumband lan kenthongan mbarang. Sing jelas kiye acarane alumni SMA negeri se Purwokerto gede2an, sebab sing teka diperkirakan nganti 5000 wong. Kaya kuwe informasine, engko tek kirim pengumumane meng rika ya, Kakang Mbokayu….”.
Baca Juga: Asal Bakale Jeneng Desa Selakambang
Liyane pada manggut-manggut krungu penjelasane Kang Bayu, karo grenengan dewek2, wah nyong kudu melu acara kiye pokoke. Kebeneran sing pada kumpul nang Alun2 sore kuwe ya alumni SMA negeri Purwokerto, ana sing SMA 1,2, 3, 4 lan 5.
“Wis disit ya, kiye wis sore, kae bocah2 wis pada keselen nggone playon, rep kon bali pada adus. Aja kelalen melu ndeleng lan partisipasi ya nang acara Grebeg Asmari”, Kang Bayu nutup dopokan sore nang Alun2 Purwokerto karo nirokna gayane Pak Harmoko, Menteri Penerangan jaman gemiyen. Klilan..
